Платформа перфарматыўных практык “зЕрне” запускае праект “Фармат+: чытанні сучаснай беларускай драматургіі”, у межах якога адбудзецца серыя чытак п’ес сучасных беларускіх драматургаў у розных гарадах Беларусі.
Сучасная беларуская драматургія — ўнікальны феномен, добра вядомы за мяжой, а некаторыя аўтары актыўна перакладаюцца і ставяцца па ўсім свеце. Гэтая драматургія звяртаецца да самых надзённых праблем грамадстваў на постсавецкай прасторы, падымаючы тэмы штодзённага гвалту, сэксізму, дыскрымінацыі, нацыяналізму, антыўтопіі і іншыя. У апошнія гады ў беларускай прасторы ідзе актыўнае прасоўванне гэтага феномену, усё больш людзей з не-тэатральнай сферы пачынаюць цікавіцца гэтымі п’есамі. Такім чынам разбураецца стэрэатып аб выключэнні тэатра з сацыяльна-палітычнай сферы і падкрэсліваецца яго патэнцыял уключэння ў грамадскія дэбаты.
Мэтай ініцыятывы “Фармат+: чытанні сучаснай беларускай драматургіі” з’яўляецца запрашэнне да ўдзелу ў чытаннях і дыскусіі аб тэматыцы і значэнні гэтых п’ес прадстаўнікоў не-тэатральнай супольнасці з розных гарадоў і мястэчак Беларусі. Калі вам проста цікава — прачытаць п’есу са сваімі сябрамі і калегамі і абмеркаваць яе, далучайцеся. Пішыце на скрыню: ziernie.net@gmail.com.
Акрамя таго плануецца выданне анталогіі п’ес сучаснай беларускай драматургіі “Все нормально. Ее-версия”, сачыце за абвесткамі ў адмыслова створанай падзеі на Facebook
ПАПЯРЭДНІ РАСКЛАД НА ВОСЕНЬ (будзе абнаўляцца і дапаўняцца)
ГОМЕЛЬ
“ты найдешь Алису под старым снегом” А. Іванюшэнка, рэж. А. Стрэльнікаў
20 кастрычніка, 15:00
Гарадскі цэнтр культуры, Гомель, вул. Ірынінская, 16