Платформа перфарматыўных практык “зЕрне” (пры падтрымцы The Swedish Arts Grant Committee)
аб’яўляе набор групы на двухдзённы майстар-клас бута
Ірыны Ануфрыевай “Цела і прастора. Святкаванне адзінства”
8 лістапада (пятніца ) з 18-30 да 22-30
9 лістапада (субота ) з 11-00 да 15-00
“ЦЭХ” (былое МЕ100, пр. Незалежнасці, 58, к.6 ( праход праз вул. П.Броўкі)
“Я гуляў па дарозе з двума таварышамі. Сонца садзілася. Неба раптам стала крывава-чырвоным, і я адчуў выбух меланхоліі, якая грызе болю пад сэрцам. Я спыніўся і прыхінуўся да плота, смяротна стомлены. Над сіне-чорным фіёрдам і горадам ляжалі кроў і языкі полымя. Мае сябры працягвалі гуляць, а я застаўся ззаду, трапечучы ад страху, і я пачуў бясконцы крык, што пранізвае прыроду” (Эдвард Мунк, 1892).
Танец Ірыны Ануфрыевай знаходзіцца на скрыжаванні перформансу і танца бута. Ірына Ануфрыева нарадзілася ў Беларусі, вучылася ў студыі тэатра “ІнЖэст” (Беларусь ), была вучаніцай і танцорам SUEN Butoh Company (Швецыя). Працуе як незалежная танцорка, харэограф і мастачка перформансу. Жыве ў Стакгольме (Швецыя).
Метад, з якім працуе Ірына, бярэ свой пачатак у кампаніі Хакутобо, дзе галоўнай танцоркай была Ёка Ашікава, легендарная танцорка бута. Гэты метад развіваў Татсумі Хідзіката ў апошнія гады жыцця, працуючы выключна з жаночым целам. Гэты метад ужо ў Швецыі працягнула развіваць СУ-ЭН, якая была вучаніцай Ёка Ашікава і часткай кампаніі Хакутобо .
Праграма майстар−класа:
— Увядзенне ў тэарэтычную частку працы (метад);
— Basic body: пачатковая падрыхтоўка цела;
— Butoh body: ўвядзенне ў метад, пабудова руху і танца.
Таксама будзе адведзены час на кароткія імправізацыі ўдзельнікаў майстар−класа.
Удзел у майстар-класе вольны!
Увага! Колькасць удзельнікаў практычнай групы абмежавана: 15 чалавек. Група фармуецца па папярэднім запісе з умовай абавязковага ўдзелу ў абодвух днях майстар−класа. Для ўдзелу вам неабходна напісаць матываваны ліст: узрост, сферу заняткаў, досвед, а таксама − чаму хацелі б атрымаць такую практыку .
Заяўкі прымаюцца на адрас: ziernie.net@gmail.com
Магчыма таксама прысутнасць на майстар−класе ў якасці гледача па папярэдняй рэгістрацыі. Адрас: ziernie.net@gmail.com
Фотография обложки Хуго Йоханссон (Hugo Johansson)..