Цэнтр візуальных і выканаўчых мастацтваў “Арт Карпарэйшн” паўстаў у снежні 2010 года пры падтрымцы Міністэрства культуры Рэспублікі Беларусь і ААТ “Белгазпрамбанк”.
Мэты:
— стварэнне платформы для абмену ведамі паміж сучаснымі мастацкімі прасторамі Беларусі і краінаў Заходняй Еўропы;
— культурны абмен праз сумесную творчасць;
— культурны абмен праз адукацыйныя праграмы і семінары;
— акумуляванне творчага патэнцыялу маладых прафесіяналаў вакол асобных праектаў;
— правядзенне эксперыменту на мяжы кантакту традыцыі і інавацыі;
— выпрацоўка ўменняў і навыкаў, неабходных для творчасці ў наноў створанай прасторы;
— імплементаванне новых тэхнічных сродкаў выразнасці ў традыцыйныя формы тэатра;
— стварэнне міжнароднай сеткі кантактаў у тэатральнай і кінематаграфічнай сферы.
Праекты Цэнтра (У межах тэатральнага кірунку):
— арганізацыя і правядзенне Міжнароднага форуму тэатральнага мастацтва “ТЭАРТ”;
— адукацыйныя семінары, майстар-класы з удзелам тэатральных рэжысёраў, гукарэжысёраў, харэографаў з усяго свету;
— праектны тэатр прадстаўлены на сённяшні дзень сумеснымі беларуска-расійскімі і беларуска-польскімі пастаноўкамі, а таксама нацыянальным праектам. Плануюцца іншыя сумесныя пастаноўкі.
Праекты Цэнтра (У межах кірунку кіно):
— арганізацыя і правядзенне Менскага міжнароднага кінафестывалю “Лiстапад”;
— адукацыйныя сустрэчы і семінары з рэжысёрамі, сцэнарыстамі і прадзюсарамі ў межах “Лiстапада”. Адным з істотных зменаў стаў увод у 2013 годзе новага кірунку — семінары для студэнтаў БДАМ з наступным паказам студэнцкіх работ і каментарамі запрошанага госця. Такія мерапрыемствы — першая спроба стварыць прафесійную платформу для маладых кінематаграфістаў, якая стала б рэгулярнай;
— праект тыдня японскага кіно ў Менску;
— дыстрыб’юцыя мастацкіх фільмаў у фармаце арт-мэйнстрым.