У сярэдзіне студзеня 2014 Платформа перфарматыўных практык “зЕрне” запрашае на трохдзённы воркшоп па біямеханіцы Усевалада Мейерхольда.
У праграме:
— Лекцыя польскага крытыка Малгажаты Яблонска “Біямеханіка Ус.Мейерхольда: акцёрскі трэнінг на аснове “падрыхтаванага досведу” (пры падтрымцы Інстытута Адама Міцкевіча, Варшава);
— Практычны двухдзённы майстар-клас Валянціны Мароз (Беларусь) “Біямеханіка Мейерхольда: акцёр як звышмарыянетка”.
Уваход на ўсе мерапрыемствы вольны!
Увага! На практычную частку (двухдзённы майстар-клас) вядзецца папярэдні запіс (фарміруецца група ўдзельнікаў), магчыма прысутнасць толькі ў якасьці гледачоў. Ліст з невялікім CV і матывіроўкай дасылаць на адрас ziernie.net@gmail.com.
Дакладная дата і месца правядзення мерапрыемстваў ўдакладняецца, сачыце за анонсамі!
Пра выкладчыкаў
Малгажата Яблонска — тэатразнаўца, аспірантка Кафедры перфарматыкі Ягелонскага універсітэта. Рыхтуе кандыдацкую дысертацыю пра ўплыў біямеханікі Усевалада Мейерхольда на канцэпцыі акцёрскага трэнінгу ў еўрапейскім тэатры ХХ стагоддзя. Была галоўным каардынатарам міжнароднай канферэнцыі па дзейнасці Усевалада Меерхольда — “Тэатральная практыка Усевалада Мейерхольда” (3-5 кастрычніка 2013 года) і адным з куратараў выставы “Мейерхольд — канструяванне чалавека”, арганізаваных Інстытутам ім. Ежы Гратоўскага ва Ўроцлаве. У 2002-2003гг. супрацоўнічала з Тэатрам “Gardzienice”. Член Тэатральнай супольнасці CHOREA .
Валянціна Мароз — рэжысёр, тэатральны педагог. Вучылася біямеханіцы ў Цэнтры ім. Ус. Мейерхольда (Москва, 2005−2007) пад кіраўніцтвам А.А. Лявінскага (вучань вучня Мейерхольда). Праводзіла майстар-класы ў тэатральных ВНУ Мінска і Варшавы, на фестывалі “М@рт-Кантакт” (Магілёў, 2007), “Тэатральны куфар” (Мінск, 2013).
