17 і 31 ліпеня, 21-21
Творчы цэнтр “Дом” (Будзеённага, 33, Брэст)
“Білінгвы. Берасце” — гэта дакументальны спектакль. Яго аснова інтэрв’ю розных людзей, у якім мы высвятлялі іх стаўленне да сітуацыі двухмоўя ў нашай краіне.
У Беларусі гэтая тэма не простая, вельмі шмат розных фактараў прыходзіцца браць пад увагі, адназначнай трактоўкі няма, у кожнай вобласці краіны па сутнасці абсалютна свая, эксклюзіўная сітуацыя. Тэма наспела і знаходзіць водгук. Адчуванне, што менавіта сёння гэтае пытанне знаходзіцца ў пераломнай стадыі. Кожнае інтэрв’ю гэта маналог на тэму “Хто я такі? Я, між двух моў. Тут і цяпер”.
У спектаклі вытрыманая нейтральная пазіцыя, гучаць маналогі людзей розных поглядаў, узростаў, прафесій, сацыяльных слаёў і г.д. Нам важна менавіта захаваць непрадузятасць і паказаць гэтую гісторыю як яна ёсць, без ацэнкі і мараляў. Гэта і не магчыма. Тэма развіваецца кожны дзень. У кожнага сваё стаўленьне. Спектакль жывы. Працэс збору мацяр’ял ідзе пастаянна. У кожны наступны спектакль будуць ўключацца новыя інтэрв’ю, у тым ліку інтэрв’ю гледачоў спектакля з якімі мы будзем праводзіць абмеркавання.
Працягласць 55 хвіл
Рэжысёр — Дзяніс Фёдараў
Акцёр — Анатоль Баранік